رساله

----رسالة الى شيطان البيت الابيض----------
لاصدكَ طحت واكَف بعدني وياك
جبل شامخ ابد ماتهوى ذرعاني
ولاصدكَ ادنكَ مو الك طخيت
راكع بالصلاة ماتسمع اذاني
... ولايغرك سكوتي شما يطول البال
احذرك من غضب لو ثار بركاني
نفس كل الكتب عنوان بيه يصير
بخدود النجم مترسي عنواني
البيت الواسع انه الحضن كل خطار
ومن كَد الكرم بيبان حيطاني
كَطرة خجل انه بوسط كَصة حيد
حفر كَصته ودفنها وصاح هذا اني
صغت روحي قصيدة حسين بيها ابيات
بقت كلها الصور مازحفت اوزاني
زرعت عيني ورد في درب الحديثات
رضيت انشم فقط ماأنطي الواني
انه شيخ العشيرة الكل فراضة وياي
ولو باطل حصل مايسكت الساني
انه الشمس فوكَك دوم اضوي عليك
ومن غير الشمس مايوجد اخيالك
انه القمة بيتي وبيتك انت اتلال
وبس اسحكَ عليهن تركع اتلالك
شيطان السلام وابد مامرجوم
لذلك في صلاتك كَاعد اكَبالك
انه العيني دولة الكَلب حاكم حوك
يحكم بالعدالة يقيم افعالك
انه ذراعي ساتر والچفوف فراش
علة اذراعي ينام الليل وامثالك
العراق انه وفخر ينشال فوكَ الراس
مو مثلك ذليل بساط ما شالك

شكرا على مرورك اختى @@@@@@@@@@@

رسالتك مميزة اخى حزين يانيل

سعيد بمرورك اختى ملكه المنتدى

شكرا على مرورك ربيع